Cercavo ‘na terra, ‘na terra assai bella,
addó nun ce manca ‘o pane e ‘a fatica
‘a terra d’ ‘o cielo!
Cercavo ‘na terra, ‘na terra assai bella,
addó nun ce stanno dulore e miseria:
‘a terra d’ ‘o cielo!
Cercanno ‘sta terra, ‘sta terra assai bella,
só ghiuto a bussà, preganno e chiagnenno,
‘a porta d’ ‘o cielo…
‘Na Voce m’a ritto, arreto a ‘sta porta:
Vattenne, vattenne, ch’io m’aggio annascuso
int’ ‘a povera gente.
Cercanno ‘sta terra, ‘sta terra assai bella,
c’ ‘a povera gente, avimmo truvato
‘a porta d’ ‘o cielo!
